深夜髮廊 之 小毒毒大翻身

話說今朝一早搭車就收到同事K姐嘅訊息，佢話佢今日唔舒服返唔到工，會有個新同事上嚟簽約，想搵我幫手跟跟喎。

睇番K姐嘅文件，新同事係一名年輕男子城城。當我去reception接佢入房時，只見佢一把飄逸嘅長髮快速轉動，直頭係洗頭水廣告現場版～

佢好爽快咁應咗我一句「係」，就跟我入房簽約。

喺簽約嘅過程中，睇得出佢對自己嘅髮型嘅堅持。佢雙手不停撥弄自己嘅頭髮，以確保無一條頭髮可以越過佢嘅中間分界線。從佢把長髮嘅輕盈度睇得出，佢應該係晚晚都有做treatment保養嘅。

當我一路同佢講份合約同公司基本資料，佢都一直好有自信咁撥頭髮同埋流露出自信嘅笑容，睇嚟佢對呢份新工作充滿期待。

之不過，當我講到MPF計劃成員參加表格入面有關基金嘅選擇，佢自信嘅笑容就消失咗，而雙手亦停止咗撥弄佢嘅頭髮，然後同我講：

「可唔可以幫我揀埋MPF基金呀？投資嘅嘢我真係唔識呀。」

呢番說話我都唔係第一次聽，好多時HR都會被要求做埋投資顧問，但MPF呢啲嘢都係問番專業人士好啲。

不過，如果你真係唔識，其實依家MPF有個投資方案叫「預設投資策略DIS」，會根據你嘅年齡自動調節你嘅基金投資組合，逐步降低投資風險，唔使自己煩。所以，MPF嘅嘢就交俾DIS啦，唔使交俾HR㗎！

希望城城同大家都明白，頭髮同MPF一樣都係需要悉心打理嘅，頭髮同錢都一樣咁重要。專業嘅事都係交番俾專業嘅人打理啦！

---